Yusupov Doniyorbek Ibrohimovich (1991-yil 26-may, Xorazm viloyati, Urganch tumani) — O‘zbekiston davlat xizmatchisi, yoshlar siyosati va axborot kommunikatsiyalari sohasida faoliyat yurituvchi mutaxassis. 2024-yil 1-fevraldan buyon O‘zbekiston Respublikasi Yoshlar ishlari agentligi markaziy apparati Axborot xizmati bosh mutaxassisi lavozimida faoliyat olib bormoqda.
Tarjimai holi
Doniyorbek Yusupov 1991-yil 26-mayda Xorazm viloyatining Urganch tumanida tug‘ilgan. Millati — o‘zbek.
2014–2018-yillarda Urganch davlat universitetida kunduzgi ta’lim shaklida tahsil olgan. Mutaxassisligi — texnolog (ishlab chiqarish bo‘yicha). Oliy ma’lumotga ega.
Ingliz tilini yaxshi darajada biladi. Ilmiy daraja va ilmiy unvonga ega emas. Davlat mukofotlari bilan taqdirlanmagan.
Mehnat faoliyati
Mehnat faoliyatini yoshlar tashkilotlari tizimida boshlagan.
- 2018–2019-yillarda Respublika yoshlar markazining Xorazm viloyati, Urganch tumani bo‘linmasida kompyuter savodxonligi to‘garagi rahbari sifatida ishlagan.
- 2019–2020-yillarda O‘zbekiston yoshlar ittifoqi Xorazm viloyat Kengashida axborot-kommunikatsiya va innovatsion texnologiyalarni joriy qilish bo‘yicha bosh mutaxassis lavozimida faoliyat yuritgan.
- 2020-yilda mazkur tashkilotning 5 tashabbus bo‘limi boshlig‘i sifatida ishlagan.
- 2020–2021-yillarda O‘zbekiston Respublikasi Yoshlar ishlari agentligining Xorazm viloyat boshqarmasida 5 tashabbus loyihalarini muvofiqlashtirish bo‘yicha mutaxassis bo‘lib faoliyat olib borgan.
- 2021–2024-yillarda Agentlikning Xorazm viloyat boshqarmasida Axborot xizmati rahbari lavozimida ishlagan.
- 2024-yil 1-fevraldan boshlab O‘zbekiston Respublikasi Yoshlar ishlari agentligi markaziy apparatida Axborot xizmati bosh mutaxassisi sifatida faoliyat yuritmoqda.