Nurmuhammad Farmonovich Fayzulloyev (Nur) —o‘zbekistonlik arxitektor, jurnalist. 2003-yil 22-aprel kuni O‘zbekiston Respublikasi Buxoro viloyati Peshku tumani “Xo‘ja Peshku" qishlog‘ida tug‘ilgan. Millati — o‘zbek. Ma’lumoti — oliy. O‘zbek, tojik tillarini yuqori, ingliz, rus tillarini o‘rta darajada biladi.
Oilasi
Otasi — Farmon Fayzullayevich Gadoyev — 1979-yil 7-sentyabr kuni Buxoro viloyati Peshku tumani “Xo‘ja Peshku" qishlog‘ida tug‘ilgan. Millati — o‘zbek, ma’lumoti — o‘rta maxsus. Hozirda tadbirkorlik bilan shug‘ullanadi.
Onasi — Nasiba Savriyevna Eshova — 1976-yil 1-noyabr kuni Buxoro viloyati Peshku tumani “Ko‘lmiri” qishlog‘ida tug‘ilgan. Millati — o‘zbek, ma’lumoti — o‘rta maxsus. Bugungi kunda uy bekasi.
Akasi — Sunnat Farmonovich Fayzullayev — 1999-yil 4-iyul kuni Buxoro viloyati Peshku tumani “Xo‘ja Peshku" qishlog‘ida tug‘ilgan. Millati — o‘zbek, ma’lumoti — oliy. Hozirda Yaponiyaning Nagoya universitetida o'qimoqda.
Ukasi — Nurali Farmonovich Fayzullayev — 2008-yil 19-yanvar kuni Buxoro viloyati Peshku tumani “Xo‘ja Peshku" qishlog‘ida tug‘ilgan. Millati — o‘zbek, ma’lumoti — tugallanmagan oliy. Bugungi kunda Buxoro davlat universitetining talabasi.
Kelinoyisi — Fotima Shopo‘latova — 2001-yil 14-dekabr kuni Buxoro viloyati G‘ijduvon tumanida tugilgan. Millati — o‘zbek, ma’lumoti — oliy. Hozirda uy bekasi.
Jiyani — Iforaxon Sunnat qizi Farmonova — 2025-yil 30-sentyabr kuni Buxoro viloyati Buxoro shahrida tug‘ilgan. Millati — o‘zbek.
Ta'lim yo'li
U 2009-2011-yillarda Buxoro viloyati Peshku tumanidagi 30-sonli umumiy o‘rta ta’limning boshlang‘ich ikki sinfini, 2011-2020-yillarda esa Buxoro viloyati Buxoro shahridagi 17-sonli umumiy o‘rta ta’lim maktabida qolgan sinflarni tamomlagan.
2020-2024-yillar davomida Toshkent arxitektura-qurilish universitetining Arxitektura fakulteti “Arxitektura” yo‘nalishida bakalavr darajasida tahsil olgan. 2025-yildan boshlab hozirga qadar Toshkent arxitektura-qurilish universitetining “Arxitektura” kafedrasi “Bino va inshootlar arxitekturasi” yo‘nalishida magistratura darajasida o‘qimoqda.
Ish faoliyati
2022-yil 20-oktyabr sanasidan 2024-yil 20-yanvarga qadar ijtimoiy-siyosiy yangiliklarini yoritib boruvchi Qalampir.uz saytida muxbir-jurnalist bo‘lib ishlagan. 2024-yil 20-fevraldan shu yilning avgust oyiga qadar Yoshlar ishlari agentligi hamda “Yosh ijodkorlar kengashi” NNT hamkorligida tashkillashtirilgan “WikiStipendiya” loyihasida faoliyat ko‘rsatgan.
2024-yilning avgust oyidan 2025-yilning may oyiga qadar xalqaro yangiliklar, tahlillarni yoritib boruvchi Paradigma.uz saytida mehnat qilgan. 2025-yilning may oyidan mazkur yilning 10-noyabr kuniga qadar iqtisodiy-moliyaviy yo‘nalishda ijod qiluvchi Vaqt.uz internet nashrida ishlagan.
Shu bilan birga 2025-yil iyul oyidan hozirga qadar Yoshlar ishlari agentligi hamda “Yosh ijodkorlar kengashi” NNT hamkorligida yo‘lga qo‘yilgan “WikiMarafon” (rebrending “WikiStipendiya” loyihasida PR-menejer vazifasida ishlab kelmoqda.