Hayoti va taʼlim yo‘li
Azizbek Zaylobiddinov 2007-yilda Farg‘ona viloyatida tavallud topgan. Boshlang‘ich ta'limni Oltiariq tumanidagi ixtisoslashtirilgan maktabda, o'rta taʼlimini Oltiariq tumanining 8-sonli umumiy o'rta ta'lim maktabida olib borgan. 2022—2024-yillarda Toshkent xalqaro Vestminster universiteti qoshidagi Akademik litseyda tahsil olgan. Akademik litseyda o'qish davomida xalqaro testlarda yuqori natijalarga erishgan: SAT imtihonidan 1520 ball va IELTS imtihonidan 8.0 ball olgan[1][2].
Harvard universitetiga qabul qilinishi
2024-yilda Azizbek Zaylobiddinov Harvard universitetiga toʻliq moliyalashtirilgan (full scholarship) grant bilan qabul qilingan. Bu yutuq uning akademik tayyorgarligi, ijtimoiy faolligi va xalqaro miqyosda tan olinishi bilan bogʻliq. U Harvardda o‘zining oliy taʼlimini davom ettiradi.
Faoliyati va ijtimoiy ishtiroki
Maktab va universitetdan tashqari Azizbek ijtimoiy loyihalar va tashabbuslarda ham faol qatnashgan. U turli platformalarda oʻzining tajribasi va Harvardga qabul jarayoni haqida intervyular bergan hamda yoshlarni chet ellik universitetlarga tayyorlanishga undagan.
Azizbek Zaylobiddinovning erishgan yutuqlari Oʻzbekiston yoshlarining akademik muvaffaqiyatlari va xalqaro taʼlimga kirish imkoniyatlarini kengaytirish borasida ijobiy misol bo‘lib xizmat qiladi. Uning Harvard universitetidagi taʼlimi va faoliyati yosh avlod uchun motivatsion namunadir.